
Hestaferðir
Á sumrin erum við með hestaleigu með leiðsögn, bæði fyrir byrjendur og vana knapa. Við bjóðum klukkustundar ferð um bæinn eða tveggja klukkustunda ferð um sveitina í kring. Bæði leiðsögumenn og hestar eiga frí um helgar.

Stund með hestunum
Ef þú vilt ekki fara á bak bjóðum við upp á stund með hestunum í öruggu umhverfi, þar sem hægt er að klappa þeim, gefa þeim og ná hinni fullkomnu mynd.

Gróðursetning
Hluti af sjálfbærnistefnu okkar er að bjóða gestum að gróðursetja tré á bænum til að draga úr umhverfisáhrifum ferðalagsins.

Norðurljós
Frá október fram í apríl er von á norðurljósum. Hér er lítil ljósmengun og staðsetningin því frábær til að njóta þeirra. Komdu og fáðu bestu sætin!

Seljalandsfoss
Fallegur foss aðeins 30 km frá hótelinu. Fallið er um 60 m og vatnið á upptök sín í Eyjafjallajökli. Við fossinn er bílastæði og gönguleið sem liggur á bak við hann.

Sundlaug
Á Hvolsvelli, næsta bæ við okkur, aðeins 13 km frá hótelinu, er góð sundlaug og líkamsrækt.

Stóri-Dímon
Um 12 km frá hótelinu er 178 m hátt fjall með gönguleið frá bílastæðinu. Þægileg ganga af sléttlendinu upp á fjallið, með einstaklega fallegu útsýni, sem hentar vel fjölskyldum.

Gluggafoss
Fallegur 44 m hár foss aðeins 6 km frá hótelinu. Fossinn dregur nafn sitt af jarðfræðinni, því áin hefur myndað nokkur göt í bergið sem líkjast gluggum.

Vestmannaeyjar
Vestmannaeyjar eru heimkynni lundans, eldfjalla og mjaldra. Eyjarnar eru ein best geymda perla Íslands og algjört skyldustopp. Ferjan Herjólfur siglir frá Landeyjahöfn, um 40 mínútna akstur frá hótelinu. Nánar um Vestmannaeyjar hér.

Skógafoss
Skógafoss er einn stærsti foss landsins, 25 m breiður og 60 m hár. Vegna úðans frá fossinum sést oft einfaldur eða tvöfaldur regnbogi á sólríkum dögum. Fossinn er rétt við þjóðveg 1, um 60 km frá hótelinu.

LAVA eldfjallasetur
Á Hvolsvelli, 13 km frá okkur, er LAVA eldfjalla- og jarðskjálftasetrið með gagnvirkri sýningu um eldfjöll. Þar má til dæmis fræðast um viðvaranir vegna eldgosa og jarðskjálfta og um jarðsögu Íslands.

Hellarnir við Hellu
Tólf manngerðir hellar frá 9. öld hafa fundist í landi Ægissíðu við Hellu, einn af næstu bæjum við hótelið. Fimm þeirra eru skoðaðir í daglegum ferðum með leiðsögn. Hellarnir eru um 25 km frá okkur.